Posted June 7, 2012 at 7:19 AM. by Rajesh Da Scorp in Copies, Tamil cinema

சிம்புவின் வாலு படமும் அமிதாப் பச்சனும்

நேற்று தொலைக்காட்சியில் சிம்புவின் ‘வாலு’ திரைப்படத்தின் ட்ரெய்லர் பார்த்தேன். அதன் இறுதியில் ஒலித்த இசையைக் கேட்டதும் ஜெர்க் ஆனேன். காரணம், அமிதாப் பச்சன் நடித்த ‘காலியா’ (Kaalia) – தமிழில் ‘கூலிக்காரன்’ என்று விஜயகாந்த் நடித்து வெளியான படம் – இப்படத்தில் சூப்பர் ஹிட் பாடலான ‘Jahan Teri Ye Nazar Hai’ என்ற டக்கரான கிஷோர் குமார் பாடலின் இசை, வாலு படத்தின் தீம் இசையாக வருகிறது. கொஞ்சம் கூட மாற்றமே இல்லாத அதே ஜெராக்ஸ் இசை.

வாலு ட்ரெய்லர் இங்கே.

இந்த ட்ரெய்லரின் ஆரம்பத்திலும் இறுதியிலும் வரும் இசையை கவனியுங்கள்.

இதோ அமிதாப்பின் பாடல்.

இந்தப் பாடலின் 1:03 நிமிடத்தில் இந்த இசை ஆரம்பிக்கிறது. கேட்டுப்பாருங்கள். படத்தின் இசையமைப்பாளர் யார் என்று பார்த்தேன். தமன் என்று போட்டிருந்தது. தமனுக்கு எனது வாழ்த்துகள். படம் துவங்கப்போகும் முதல் நாளிலேயே ஹிந்தி இசையைச் சுட்டு தமிழ் மக்கள் கேட்டு இன்புறுவதற்கு வழங்கியுள்ளார். படத்தின் பாடல்களை மிகவும் எதிர்பார்க்கிறேன்.