Posts by
‘நீண்ட நெடு நாட்களுக்குப் பின், கருந்தேள் என்ற அந்த மனிதன், பதிவு ஒன்றை எழுத ஆரம்பித்தான். தனக்கு முன் இருந்த விசைப்பலகை என்னும் கருவியின் பொத்தான்களை அவன் அழுத்த அழுத்த, அவனுக்கு எதிரே இருந்த கரும்திரையில் எழுத்துக்கள் மின்ன ஆரம்பித்தன; இதனைக்கண்டு அவனது உள்ளம் மகிழ்ச்சியில் துள்ளியது’....
மசாலாப் படங்களாகவே தொடர்ந்து உற்பத்தி செய்துகொண்டிருக்கும் ஹாலிவுட்டிலும், உலக சினிமாக்களின் தரத்துக்கு இணையாகப் படம் எடுக்கும் சிறந்த இயக்குநர்கள் உள்ளனர். பெர்னார்டோ பெர்ட்டலூச்சி, டிம் பர்ட்டன், ஸ்பீல்பெர்க், கேமரூன், கோயன் சகோதரர்கள், ஃப்ரான்ஸிஸ் ஃபோர்ட் கேப்பலா, ஜொனாதன் டெம், ப்ரயன் டி பா(ல்)மா, ரோமன் பொலான்ஸ்கி, ஃப்ராங்க்...
நரகத்தில் இருந்து தப்பிக்கும் கதாநாயகன் – ஒரு படு விறுவிறுப்பான காமிக்ஸ் கதைக்கு சரியான கதைக்களனாக அமைந்துவிடுகிறது. எனக்குத் தெரிந்து, இதுபோன்ற ஒரு காமிக்ஸ் கதைக்குப் பொருத்தமான ஹீரோ, இரும்புக்கை நார்மன். அவரை வைத்து இப்படி ஒரு கதையை எழுதினால், பின்னியெடுக்கும் என்பதில் சந்தேகமே இல்லை. அப்படிப்பட்ட...
சஞ்சய் லீலா பன்ஸாலியைப் பற்றிப் பொதுவாகவே ஒரு குற்றச்சாட்டு உண்டு. எந்தத் தயாரிப்பாளரையும் ஏழையாக்கி விடுவார் என்று. அந்த அளவுக்கு, ஒரே ஒரு ஷாட் என்றாலும் கூட, அதையும் மிகப் பிரம்மாண்டமாகப் படமாக்க வேண்டும் என்று நினைக்கக்கூடியவர் அவர். அவர் இதுவரை எடுத்துள்ள படங்களில், எனக்குப் பிடித்த...
யுத்தம் செய் படத்தை, நீண்ட நாட்கள் கழித்து நேற்றுதான் பார்க்கும் வாய்ப்பு கிடைத்தது. படத்தைப் பற்றிப் பார்க்குமுன், இதைப்போன்ற கரு கொண்ட பல வேற்றுமொழிப்படங்கள் இதற்குமுன் பார்த்திருக்கிறேன் என்பதைச் சொல்ல விரும்புகிறேன். ஆனாலும், யுத்தம் செய் அலுக்கவில்லை. சுவாரஸ்யமாகவே சென்றது. Voyeurism என்பதைப்பற்றிப் படித்திருப்பீர்கள். பிற மனிதர்கள்,...
தமிழ்ப்படங்களில், ஸ்பூஃப் என்ற வகையில் வெளிவரும் படங்கள் மிகக்குறைவு. அந்த வகையில், சென்ற வருடம் வெளிவந்த ‘தமிழ்ப்படம்’, ஒரு குறிப்பிடத்தகுந்த முயற்சி எனலாம். தமிழ்ப்படம், இதுவரை வந்த அத்தனை தமிழ்ப்படங்களையும் பகடி செய்தது. ஆங்கிலத்தில், ஒரு குறிப்பிட்ட வகைப் படங்களை மட்டும் எடுத்துக்கொண்டு (உதா – த்ரில்லர்...
ஒரு சிச்சுவேஷன். ஏதோ ஒரு படத்துக்கு, ஒருநாள் செல்கிறோம். திரையரங்கின் உள்ளே, படம் படு சுவாரஸ்யமாகச் செல்கிறது. நேரம் போவதே தெரியவில்லை. மூன்று மணி நேரம் கழித்து, வெளியே வருகிறோம். ஒரு பேரதிர்ச்சி நமக்காகக் காத்துக்கொண்டு இருக்கிறது. வெளியே, ஒரு ஈ கூட நமது கண்ணுக்குத் தெரியவில்லை....
பத்தொன்பதாம் நூற்றாண்டின் மத்திய வருடங்கள். அமெரிக்காவெங்கும் தங்க வேட்டை மோகம் மக்களை ஆட்டிப்படைத்துக் கொண்டிருந்த நேரம். Bounty Hunters என்ற புதிய வகைத் தொழில், படுவேகமாகப் பிரசித்தியடைந்துகொண்டிருந்த காலம். நவஹோ பிராந்தியங்களான அரிஸோனா மற்றும் மாண்டெனாவில், ஒரு மதிய வேளையில், டெக்ஸ் வில்லரும் அவரது நண்பர் கிட்...
மனிதனின் அலுக்காத ஆசைகளில் ஒன்று, இந்த உலகில் இதுவரை யாருமே சென்றறியாத இடங்களை ஆராய்வது. அப்படி சில மனிதர்கள் மேற்கொண்ட முயற்சிகளாலேயே நமக்குப் பல நாடுகள் கிடைத்துள்ளன. அதே சமயத்தில், இந்த முயற்சிகளால் ஏற்படும் உயிர் இழப்புகளும் எண்ணிலடங்கா. எத்தனை ஆபத்துகள் இருந்தாலும், புதிய இடங்களைக் கண்டறியும்...
இந்தக் கட்டுரையின் தலைப்பைப் பார்த்ததுமே, சில புருவங்கள் மேலெழுவதைக் காண்கிறேன். ‘என்னடா இது – ஹாரி பாட்டரா? கருந்தேளிலா?’ என்ற ரீதியில். கடந்த வாரத்தில் ஓர் நாள். வீட்டில் இருந்த போது, மிகவும் போர் அடிக்கவே, எதாவது படம் பார்க்கலாம் என்று, எனது டிவிடிக்கள் தொகுப்பை நோண்டிக்கொண்டிருந்தபோதுதான்,...
சில நாட்களுக்கு முன், ரஞ்சித் என்ற நண்பர், எனக்கு ஒரு மின்னஞ்சல் அனுப்பியிருந்தார். சென்ற பதிவில், நான் மகான் அல்ல எனக்குப் பிடித்திருந்தது என்று நான் எழுதியதைப் பார்த்து, அவர் இயக்குநர் சுசீந்திரனுக்கு எழுதி வைத்திருந்த ஒரு கடிதத்தை எனக்கு அனுப்பியிருந்தார். அந்தக் கடிதத்தில் இருந்த கோபம்...
கருந்தேள் டைம்ஸின் அடுத்த பகுதி வந்தே பல நாட்களாகி விட்டன. இந்த ஆண்டின் முதல் வாரத்தில் இருந்து இப்போது வரை, பல வேலைகள். எனவே, கிட்டத்தட்ட பதினைந்து நாட்களாக எந்தப் பதிவும் எழுத முடியவில்லை. இப்பொழுதும் நேரம் இல்லை என்பதே உண்மை. இருந்தாலும், ஒரு சந்தோஷமான செய்தியைப்...
அரசியலில் நிகழும் ஊழல்களைப் பற்றிய உண்மைக் கதைகள், என்றுமே நம்மைக் கவர்ந்தவண்ணமே இருக்கின்றன. மக்கள், நம்பிக்கையுடன் வோட்டுப் போட்டுத் தேர்ந்தெடுத்து ஆட்சியில் அமர்த்தும் மக்கள் பிரதிநிதிகள், பதவி கிடைத்தவுடன், இருக்கும் வாய்ப்புகளைப் பயன்படுத்தி அடிக்கும் கொள்ளைகளைப் பற்றி நாம் தொடர்ந்து படித்து வந்திருக்கிறோம். அதுவும் இந்தியாவில் ,...
அமானுஷ்ய சக்திகள் குறித்து உங்களுக்கு நம்பிக்கை உண்டா? நமக்கு நம்பிக்கை இருக்கிறதோ இல்லையோ, திரைப்படங்களிலும் நாவல்களிலும் இந்தச் சங்கதி ஏராளமாக உண்டு. விக்கிரவாண்டி ரவிச்சந்திரனை உங்களுக்குத் தெரியுமா? எனது சிறு வயதில், இவரது புத்தகங்களைப் படிக்கும் வாய்ப்பு ஏற்பட்டது. நான் படித்த முதல் புத்தகம், ‘அறிவுக்கு அப்பாற்பட்ட...
சிறுகதைகள் மேல் எனக்கு ஒரு கண் உண்டு. சிறுகதைகள் எழுதத் தொடங்கலாம் என்றெல்லாம் எப்பொழுதாவது ஒரு விபரீத ஆசை என்னுள் எழும். ஆமாம். பின்னே? எப்படி சில நடிகர்கள், தேமேயென்று சினிமாவில் நடித்துக் கொண்டு இருந்துவிட்டு, பின்னர் திடீரென்று தனக்கு எழும் விசிறிகள் கூட்டத்தைக் கண்டு மதிமயங்கி...
மன்மதன் அம்பு படத்தைப் பற்றிப் பார்ப்பதற்கு முன், இன்னொரு படத்தைப் பற்றிக் கொஞ்சம் சுருக்கமாகப் பார்த்துவிடலாம். Romance on the High Seas என்பது படத்தின் பெயர். வெளிவந்த ஆண்டு – 1946. படத்தின் கதை? கணவன், மனைவி ஆகிய இருவருமே ஒருவரையொருவர் சந்தேகப்பட்டுக்கொண்டிருக்கும் சூழல். அந்த...
மறுபடியும் குரஸவா. இம்முறை, ஆஸ்கர்களில் சிறந்த வெளிநாட்டுத் திரைப்பட விருது (1976ல்) பெற்ற ஒரு படத்தைப் பார்க்கப் போகிறோம். ஆனால், இது ஜப்பானியப் படம் அல்ல. ரஷ்யப் படம். குரஸவா முதன்முதலில் இயக்கிய ஜப்பானியப் படமல்லாத ஒரு வெளிநாட்டுப் படம் இது. தலைசிறந்த இயக்குநர்களுக்கு எங்கே சென்றாலும்...
ஒரு அருமையான உலகப்பட விமர்சனம் எழுதவேண்டிய நேரத்தில், அதற்குச் சற்றும் சம்மந்தமில்லாத வேறு ஒரு விஷயத்தைப் பற்றிப் பேச வேண்டியிருக்கிறது. ஆனால், இதுவும் முக்கியம்தான். நேற்று விஜய் டிவியில் நீயா நானா பார்த்துக்கொண்டிருந்தோம். அதில் எடுத்துக்கொள்ளப்பட்ட தலைப்பு, ‘பெண்ணியவாதிகள் Vs குடும்பத்தலைவிகள்’ என்பது. இந்த இருசாராரின் பக்க...
திரைப்பட ரசிகர்களால் என்றுமே மறக்கவியலாத ஒரு திரைப்படம் – The Shawshank Redemption. நான் உலக சினிமா பார்க்க ஆரம்பித்ததற்கு முதல் காரணி, இந்தப் படம்தான். 2000த்தில், HBO வந்த புதிதில், ஒரு நாள் நள்ளிரவில் இத்திரைப்படத்தை எதேச்சையாகப் பார்க்க ஆரம்பித்து, ஆச்சரியத்தின் உச்சத்துக்கே சென்றேன். அன்றிலிருந்து...
முதலில், சாருவின் புத்தக விழா. மிக நல்ல முறையில், கடந்த பதிமூன்றாம் தேதி நடந்து முடிந்த சாருவின் ஏழு புத்தகங்களின் வெளியீட்டு விழாவுக்குச் சென்றிருந்தேன். செல்லும் முன், பெங்களூரில், சில ‘லிம்கா’ பாட்டில்கள் வாங்கவேண்டியிருந்தது. என்னது எதற்கா? செல்லும் வழியில், பஸ்ஸில் தாகம் ஏற்பட்டால் என்ன செய்வது?...
பொதுவாகவே, வேற்றுமொழிப் படம் ஒன்றைத் தமிழில் உருமாற்றம் செய்யும்போது, அந்த உருமாற்றம், சகிக்க முடியாமல்தான் இருக்கும். இதனாலேயே, அந்த மூலப்படத்தின் மீது மரியாதை இன்னமும் அதிகம் ஆகும். காரணம் மிக எளிது. தமிழ்த் திரைப்படங்களின் டெம்ப்ளேட் அமைப்புக்கு உள்ளாகும்போது, எந்தப் படமுமே அதன் அசல் தன்மையை இழந்துவிடும்....
தமிழ்ப்படங்களிலும் சரி, இந்தியாவின் மற்ற மொழிப்படங்களிலும் சரி. ஆங்கில/ உலகப் படங்களைக் காப்பியடிப்பதோ அல்லது தழுவுவதோ தவறே அல்ல என்ற ஒரு கருத்து பரப்பப்பட்டு வருகிறது. குறிப்பாக, ஜனரஞ்சகமான திரைப்பட ரசிகர்களுக்குத் தெரியாத கலைப்படங்களை இப்படிச் சுடுவது அதிகம். சுட்டுவிட்டு, இந்த இயக்குநர்கள் கொடுக்கும் நேர்காணல்களைக் கேட்டால்,...
இது, நான் ஃபெப்ருவரியில் எழுதிய பதிவு. பாகம் ஒன்றான இப்பகுதி, ஒரு மீள்பதிவு. இந்தப் பதிவிலேயே, மோஸார்ட்டின் இசை பற்றியும் அவரது வாழ்வைப் பற்றியும் சுவாரஸ்யமான தகவல்கள் பலவற்றை மறுநாள் எழுதப்போவதாகச் சொல்லியிருந்தேன். ஆனால் மறந்துவிட்டேன். நண்பர் சுப. தமிழினியன் பல பதிவுகளில் வந்து நினைவூட்டிக்கொண்டே இருந்தார்....
சென்ற வாரம், பெங்களூரில் நடைபெற்ற புத்தகக் கண்காட்சியைக் காண நேரிட்டது. தமிழ் ஸ்டால்கள் மிகக் குறைவு. இருந்த ஆங்கில ஸ்டால்களிலும், ஃபோட்டோக்ராஃபி, சமையல், பல்ப் நாவல்கள் ஆகியவை மட்டுமே முக்கியத்துவம் பெற்றதைக் கண்டேன். இங்கே ப்ளாஸம்ஸ் (Blossoms) என்ற பெயரில் ஒரு மிகப்பெரிய புத்தகக்கடை, சர்ச் ஸ்ட்ரீட்டில்...
இந்தியாவின் தலைசிறந்த இயக்குநர் யார்? இந்தக் கேள்விக்கு, நம்மில் பல பேர், மணிரத்னம் என்று சொல்லக்கூடும். இன்னும் சில பேர், ஷங்கர் என்று கூடக் கூறலாம் (அடப்பாவிகளா). சில பேர் சத்யஜித் ரே என்று சொல்லலாம். இன்னமும், கேத்தன் மேத்தா, நிமாய் கோஷ், அபர்ணா சென், ரிதுபர்ணோ...
இதற்கு முன்னரே, பெத்ரோ அல்மதோவாரின் சில படங்களைப் பார்த்திருந்தும், அவற்றை எழுத அமரும்போதெல்லாம், எதாவது வந்து குறுக்கிடும். வேறு ஒரு படத்தைப் பார்க்க நேரும். அந்த ஜோரில், இந்தப் படம் பற்றி எழுத மறந்துவிடும். ஆனால் இம்முறை, எழுதியே தீரவேண்டும் என்ற நோக்கத்தில் இரவு பனிரண்டரைக்கு உட்கார்ந்து...
மீண்டும் கிம் கி டுக். இப்படம், நமது தளத்தில் நாம் பார்க்கும் ஆறாவது கிம் கி டுக் படம். இதற்கு முன் எழுதிய ஐந்து கிம் கி டுக் படங்களையும் பற்றிப் படிக்க, இப்பதிவின் மேலுள்ள கிம் கி டுக் லேபிளைக் க்ளிக் செய்து படிக்கவும். இந்தப்...
தமிழ்ப் படங்களைப் பெரும்பாலும் திட்டிக்கொண்டிருக்கும் (அல்லது திட்டுவதாகப் பலரும் எண்ணிக்கொண்டிருக்கும்) என்னை, இந்தவார நட்சத்திரமாக அறிவித்திருக்கும் தமிழ்மணத்துக்கு, அவர்கள் எடுத்துள்ள இந்த முடிவைக் குறித்து என்னைத் திட்டி எழுதப்படும் பல அனானி மின்னஞ்சல்களை இனி அவர்கள் எதிர்கொள்ளப்போகிறார்கள் என்று ஒரு டிஸ்கியைப் போட்டுவிட்டு, , ஒரு நன்றியைத்...
ஜெயமோகன், தனது தளத்தில், தேவையே இல்லாமல் சாருவைத் தாக்கி, அவரே சில வரிகளைச் தானாகச் சேர்த்துக் கொண்டு வெளியிட்ட ஒரு கடிதத்தைத் தொடர்ந்தே, அவரது பித்தலாட்டங்களைப் பற்றி, கருந்தேள் டைம்ஸ் கட்டுரையில் எழுதினேன். அதில் வெளியிட விட்டுப்போன ஒரு முக்கியமான விஷயம் என்னவெனில், சாருவுடன் அன்று சற்று...
வேறு ஒன்றுமில்லை. சினிமா விமரிசனங்கள் தவிர, வேறு சில விஷயங்களைப் பகிர்ந்து கொள்ள வேண்டியிருந்தால், அதற்கு என்ன செய்யலாம் என்று யோசித்தபோது, நம் நண்பர் கண்ணாயிரம், இந்தக் கருந்தேள் டைம்ஸை உருவாக்கச் சொல்லி ஒரு யோசனை தெரிவித்தார். அது நல்ல யோசனையாகப் படவே, இதோ அதன் முதல்...
அகிரா குரஸவா. இந்தப் பெயரை, உலக சினிமா ரசிகர்களால் அவ்வளவு சீக்கிரம் மறந்துவிட முடியுமா? இப்பொழுது திரைப்படங்களில் உபயோகப்படுத்தப்பெறும் பல விஷயங்களுக்கு முன்னோடியாக இருந்தவர். தனது படங்களைக் காப்பியடித்த ஹாலிவுட் நிறுவனங்கள் மீது தயங்காது வழக்குகள் தொடுத்து அவற்றில் வெற்றியும் பெற்றவர். இவரது படங்களின் டிவிடிக்களைப் பார்ப்பதில்...
கடந்த சில நாட்களாகக் கோவையில் இருக்கிறேன். ஒரு எமர்ஜென்ஸி காரணமாக இங்கு வந்ததால், வலைத்தளத்தின் பக்கமே கால் வைக்க முடியவில்லை. நண்பர்களின் வலைப்பூக்களையும் படிக்க இயலாத சூழல். இப்பொழுது, அனைத்தும் இயல்பு நிலைக்குத் திரும்பிவிட்டன. கீழே குறிப்பிடப்பட்டுள்ளது, எனது கனவில் வந்த ஒரு உரையாடல். இது நிஜ...
கமல் காப்பியடித்த பட்டியலை ஏற்கனவே கொடுத்திருந்தேன் அல்லவா. இப்போது, சில ஆங்கில வீடியோக்களைக் கீழே கொடுக்கிறேன். கூடவே, கமல் காப்பியடித்த படத்தின் வீடியோவையும் கொடுக்கிறேன். நீங்களே பார்த்துத் தெரிந்து கொள்ளலாம் – எந்த அளவு கமல் காப்பிகளை அடித்துத் தள்ளியிருக்கிறார் என்று. Moon Over Parador :...
நீங்கள் சன் டிடிஹெச் பயன்படுத்துபவரா? அப்படியென்றால் இந்தப் பதிவு உங்களுக்குத்தான். சிறிது காலமாகவே, சன் டிடிஹெச்சில் சாடலைட் பிரச்னைகள் மிகுந்து இருந்தன. இன்ஸாட்4பியிலிருந்து, இப்போது மீஸாட்3க்கு சன் டிடிஹெச் மாறியுள்ளது. இதன் காரணமாக, பல நாட்களாகவே, டிஷ்ஷை ரீ அலைன் செய்ய, தங்களது டீலர்கள் வீட்டுக்கே வந்து...
நான், சிறு வயதிலிருந்தே காமிக்ஸ் ரசிகன். காமிக்ஸ்களில் பல வகைகள் உண்டு. சாத்வீகமான, மிதவாத காமிக்ஸ்கள், சற்றே வன்முறை கலந்த காமிக்ஸ்கள், வன்முறை பீறித் தெறிக்கும் காமிக்ஸ்கள் இப்படிப் பல வகைகள். முதலாவது வகைக்கு, டிண்டின், ஆஸ்டெரிக்ஸ் ஆகியவற்றை உதாரணமாகச் சொல்லலாம். இரண்டாவது வகைக்கு, XIII, ரிக்...
வாழ்க்கையில் அதிருஷ்டம் என்பது மட்டுமே வாய்க்கும் மனிதர்கள் இந்தப் பூவுலகில் வெகு சில பேர்கள் உண்டு. அவர்களைப் பார்த்துப் பொறமைப்பட்டுக்கொண்டே இருப்பதைத் தவிர நம்மால் ஏதுமே செய்ய இயலாது. சமயத்தில், இவர்கள் உடம்பு முழுவதுமே ஒரு கிங் சைஸ் மச்சமாகவே மாறிவிடுகிறதோ என்று எண்ணத்தோன்றும் அப்படிப்பட்ட பலே...
தந்தையின் பெயர் தெரியாமல் இச்சமூகத்தில் வாழும் புதல்வர்களை, சமூகம் எப்படி எதிர்கொள்கிறது? நமது ஊராக இருந்தால், அடித்தே கொன்றுவிடுவார்கள். அதுதான் வழக்கம். எனவே, வெளிநாடுகளைப் பற்றி யோசிப்போம். நெதர்லாந்து. இருபதாம் நூற்றாண்டின் ஆரம்ப வருடங்கள். தன்னைச் சுற்றியுள்ள அனைவருக்கும் சிம்ம சொப்பனமாக விளங்கும் ட்ரெவர்ஹாவன் என்ற கோர்ட்...
ஹிந்திப் பாடல்களுக்கும் எனக்கும் இருக்கும் தொடர்பு, ரங்கோலி, தூர்தர்ஷனில் ஒளிபரப்பாகிய ஆரம்ப நாட்களில் இருந்து ஆரம்பிக்கிறது. அந்நாட்களில், இருந்த ஒரே தொலைக்காட்சி அதுதான் என்பதனால், தூர்தர்ஷனின் ஒவ்வொரு நிகழ்ச்சிகளையும் பார்ப்பது எங்களது வழக்கம். குறிப்பாக ரங்கோலி, சித்ரஹார், சித்ரமாலா ஆகியவை. என்னவென்றே புரியாமல் பார்க்கத்தொடங்கிய நாட்கள் அவை....
கேரமெல் என்பது…. நாமெல்லோரும் நினைக்கும் அதே கேரமெல் தான். சர்க்கரைப் பாகு. இந்தப் பாகு, சமைப்பதற்கு மட்டுமன்றி, வேறு பல உபயோகங்களையும் கொண்டது. அதில் ஒன்று தான் – இப்படத்தில் வருவது. பதமான சர்க்கரைப் பாகு, அழகு நிலையங்களில் உபயோகப்படுத்தப்படுகிறது. நோக்கம்? உடலில் உள்ள முடிகளை நீக்குவது....
ஒரு ஜனரஞ்சகமான படம் எப்படி இருக்க வேண்டும்? பார்ப்பவர்களுக்கு அலுக்கக்கூடாது. கதையே இல்லாவிட்டாலும், சுவாரஸ்யமான திரைக்கதை இருக்க வேண்டும். பார்ப்பவர்களைப் படத்துக்குள் இழுக்க வேண்டும். அநாவசிய பில்ட் அப் காமெடிகள் கூடாது. மொத்தத்தில், படம் பார்த்துவிட்டு வெளியே வரும்போது, படத்தைப் பற்றிய சந்தோஷமான எண்ணங்கள் நமது உள்ளத்தில்...
சென்ற பதிவில் நான் எழுதிய எந்திரன் விமர்சனத்துக்கு, சில நண்பர்களிடம் இருந்து வந்துள்ள பின்னூட்டங்களுக்கு இங்கே பதில் கொடுத்துவிடலாம் என்பது எனது நோக்கம். படித்துப்பாருங்கள். நண்பர்கள் கருத்தைக் கேள்விகளாகக் கொடுத்துள்ளேன். 1. உலக சினிமா இயக்குநர்கள் போல் எந்திரன் படம் எடுத்தால், அதனைப் பார்க்க யாரும் இருக்கமாட்டார்கள்....
கடந்த இரண்டு ஆண்டுகளாக, எந்த ஊடகத்தின் பக்கம் திரும்பினாலும், அங்கே எந்திரனைப் பற்றிய செய்திகளைக் கேள்விப்பட்டுக்கொண்டிருந்தோம். தமிழ் மக்களின் நாடித்துடிப்பை எகிறவைத்துக்கொண்டிருந்தது எந்திரன் என்று சொன்னால், அது மிகையல்ல. முதலில், இப்படத்தில் கமல் நடிப்பதாக இருந்து, பின் ஷா ருக் கான் ஒப்பந்தம் செய்யப்பட்டு, பின் அவராலும்...
இது, மற்றொரு மீள்பதிவு. என்றோ ஒரு காலத்தில் நான் எழுதிய இந்த விமர்சனத்தைப் பற்றி, இப்படத்தை சமீபத்தில் பார்த்த நண்பர் கீதப்ரியன் நினைவுபடுத்த, அதன் விளைவே இந்த மீள்பதிவு. இதில், நிறைய புதிய விஷயங்களையும் சேர்த்திருக்கிறேன். எமர்ஜென்ஸி. பல இந்தியர்களின் தலையெழுத்தை மாற்றியமைத்த ஒரு நிகழ்வு. இந்தச்...
கோதம் நகரின் இருண்ட தெருக்களினூடே, சரேலென்ற ஒளிவெள்ளம் பாய்ச்சியபடி, ஒரு பெரிய கருப்பு வண்டி பறந்துகொண்டிருந்தது. அது – பேட்மொபைல். பேட்மேனின் வாகனம். பலவகையான எண்ணங்களை மனதில் ஓடவிட்டுக்கொண்டே, பேட்மேன் அந்த வண்டியைச் செலுத்திக்கொண்டிருந்தார். அவரது பின்னிருக்கையில், நெளிந்தபடியே ஒரு உருவம். கட்டுண்டு கிடந்தாலும், உற்சாகத்தோடும் கிண்டலோடும்...
இந்தத் தளத்தைப் படித்து வரும் நண்பர்களுக்கு நன்றாகத் தெரியும் – எனக்கு மிகப்பிடித்தமான ஹாலிவுட் நடிகர், கெவின் காஸ்ட்னர் என்பது. படு கேஷுவலான நடிப்புக்குச் சொந்தக்காரர். அவரது படங்களைப் பற்றி இதுவரை மூன்று முறைகள் எழுதியாயிற்று. இன்னும் அவரைப் பற்றி எழுத வேண்டியது நிறைய இருக்கிறது. எனது...
நல்ல த்ரில்லர்கள் என்றால் எங்களுக்குப் பிடிக்கும். அந்த வகையில், ஷ்ரீயின் செலக்ஷன் இப்படம். பொதுவாகவே, பேய்ப்படங்களைப் பார்க்கையில் நான் எந்த நிலையில் இருப்பேன் என்பதை, எனது முதல் பதிவான ‘Drag me to hell’ விமர்சனத்தில் சொல்லியிருக்கிறேன். கண்ணை மிகச்சிறியதாகத் திறந்து வைத்துக்கொண்டு, கையை கண்ணுக்குப் பக்கத்தில்...
கடைசியாக ஒரு திரைப்படத்தைப் பற்றி எழுதியது, போன மாதம் என்று நினைக்கிறேன். மங்கோல். அதன்பின்பு, அடுத்த திரைப்படம் இது. இடைப்பட்ட காலத்தில், கமல்ஹாஸன், கொடைக்கானல் என்று பிஸியாக இருந்துவிட்டேன். சரி. இந்த ‘ப்ரெத்’ என்பது, கிம் கி டுக் இயக்கிய ஒரு திரைப்படம். நாம் பார்க்கும் ஐந்தாவது...
கமல்ஹாசன் : நிகழ மறுத்த அற்புதமா? என்ற எனது கட்டுரையைப் படிக்க இங்கே க்ளிக்கவும். இந்தக் கட்டுரை, கமலின் சில படங்களைப் பற்றியும் அவற்றின் ஆங்கில மூலங்களைப் பற்றியும் அலசுகிறது. சென்ற பதிவில் கமல் அடித்த ஈயடிச்சாங்காப்பிகளைப் பற்றி எழுதினாலும் எழுதினேன், அதற்குப் பதில் சொல்லவேண்டும் என்று...
முதலிலேயே சொல்லிவிடுகிறேன். யார் மேலும் அவதூறோ அல்லது இன்னபிறவோ சொல்லும் நோக்கம் இந்தப் பதிவுக்குக் கிடையாது. இப்பதிவு எழுதப்படும் நோக்கமே, எந்தப் படைப்புக்கும், அதற்குரிய மரியாதையும் அங்கீகாரமும் கிடைக்க வேண்டும் என்ற ஒரே விஷயம் தான். தமிழ்த்திரையுலகின் ரசிகராகத் தனது கணக்கைத் துவங்கும் ஒவ்வொரு நபரும் சில...
ஏற்கெனவே இந்தத் தளத்தில், டூம்ப் ரெய்டர்: அண்டர்வேர்ல்ட் பற்றி எழுதியிருந்தது நினைவிருக்கலாம். அந்த வரிசையில், இதோ அடுத்த கம்ப்யூட்டர் கேம். சென்ற பதிவில் சொல்லியிருந்தது போல், சரித்திரத்தில் எனக்கு சற்று ஆர்வம் உண்டு. அதனால், சரித்திர சம்பவங்கள் இடம்பெறும் கேம்களை அதிகமாக விளையாடுவேன். அண்டர்வேர்ல்ட் முடித்துவிட்டு ஆடத்துவங்கியது,...
